Ա. Բաբլոյանը` ԱՀԿ գործադիր կոմիտեի անդամ

Հայաստանից Ժնևում գործող Առողջապահության համաշխարհային կազմակերպության (ԱՀԿ) բարձրագույն գործադիր կոմիտեի անդամ ընտրվեց ՀՀ ԱԺ առողջապահության, մայրության և մանկության հարցերի մշտական հանձնաժողովի նախագահ, պրոֆեսոր Արա Բաբլոյանը: Այս մասին տեղեկացրին ԱԺ հասարակայնության հետ կապերի վարչությունից:

Հիշեցնենք, որ սեպտեմբերի 15-ին Դանիայի մայրաքաղաք Կոպենհագենում կայացել է ԱՀԿ-ի Եվրոպական տարածաշրջանային կոմիտեի նիստը, որին մասնակցում էին եվրոպական 53 երկրների ներկայացուցիչներ:

Նիստում եվրոպական տարածաշրջանից ԱՀԿ-ի բարձրագույն գործադիր կոմիտեի անդամներ են ընտրվել Հայաստանի և Նորվեգիայի ներկայացուցիչները:

Հարցեր, պատասխաններ, մեկնաբանություններ